Embedded Files
დღეს საქართველოში შექმნილი ურთულესი ვითარების შეცვლას არაერთი საზოგადოებრივი, პროფესიული თუ პოლიტიკური ჯგუფის დაუღალავი ძალისხმევა მიემართება.
ამასთან, პროცესში ჩართულ ყველა ექსპერტს, აქტივისტსა თუ პოლიტიკოსს ესმის, რომ შედეგისთვის გადამწყვეტი მნიშვნელობა სწორედ ამ ძალისხმევათა სინერგიას ექნება.
ამ პროცესის მხარდაჭერის მიზნით განსხვავებული საზოგადოებრივი და პოლიტიკური გაერთიანებების მიერ შექმნილი საინიციატივო ჯგუფი პარტნიორებთან ერთად აწყობს საზოგადოებრივ ფორუმს.
ფორუმი მიზნად ისახავს განსხვავებული ხედვების და გამოცდილებების გაზიარებას, რათა ხელი შეუწყოს ქვეყნისთვის კრიტიკულად მნიშვნელოვან საკითხებზე სიღრმისეულ დიკუსიას და წაახალისოს მხარეებს შორის დიალოგისა და თანაქმედების მექანიზმების განვითარება.
ფორუმის ფორმატი სწორედ ამ მიზნის მისაღწევად დაიგეგმა და სამ ძირითად ეტაპს აერთიანებს:
კონტექსტის ეტაპი
კონტექსტის ეტაპი
25 ივლისი - 8 აგვისტო
კონფერენციის წინა კვირაში ტარდება ტრანსლირებული საჯარო ღონისძიებები სხვადასხვა ფორმატში (პანელი, მრგვალი მაგიდა, დისკუსია). ეს შეხვედრები ამზადებს საერთო ანალიტიკურ ნიადაგს კონფერენციისთვის. შეხვედრების მიზანია შესაბამისი თემებისა და კონტექსტების აქტუალიზაცია და სხვადასხვა ჯგუფებისა და მათი აუდიტორიის გააქტიურება.
კონფერენცია
კონფერენცია
9 და 10 აგვისტო
ორდღიანი, კრიზისზე ფოკუსირებული კონფერენცია მოიცავს ოთხ შედეგზე ორიენტირებულ პანელს. მათი მიზანია კრიზისის სიღრმისეული გააზრება, ნდობის აღდგენისთვის ფუნდამენტური პირობების განსაზღვრა, ცვლილებების მისაღწევად სტრუქტურირებული თანაქმედების მექანიზმების შემუშავება და ახალი საზოგადოებრივი შეთანხმების საერთო ხედვების ფორმირება.
შემდგომი ნაბიჯების ეტაპი
შემდგომი ნაბიჯების ეტაპი
11 აგვისტოდან
კონფერენციის შედეგების ფართო საზოგადოებისთვის გაცნობა, საჯარო დისკუსიების გაგრძელება, გამოკვეთილი მიმართულებების მიხედვით სამუშაო ჯგუფების ფორმირება.
მონაწილეობის გზები
მონაწილეობის გზები
პარტნიორობა და მხარდაჭერა
პარტნიორობა და მხარდაჭერა
ორგანიზაციებს და დამოუკიდებელ გაერთიანებებს შეუძლიათ გახდნენ კონფერენციის პარტნიორები — თავიანთი შესაძლებლობების შესაბამისად, მათ შეეძლებათ ინფორმაციის გავრცელება, შინაარსობრივი ან ლოგისტიკური მხარდაჭერა, ან მონაწილეობა შემდგომ ქმედით პროცესებში. პარტნიორების ლოგოები განთავსდება ონლაინ პლატფორმებზე.
სამუშაო ჯგუფებში მონაწილეობა ან ინიცირება
სამუშაო ჯგუფებში მონაწილეობა ან ინიცირება
კონფერენციის შედეგების საფუძველზე შეიქმნება თემატური სამუშაო ჯგუფები, რომლებიც გააგრძელებენ კონკრეტული საკითხების დამუშავებას. დაინტერესებულ პირებს შეუძლიათ როგორც უკვე არსებულ ჯგუფებში ჩართვა, ისე ახალი ინიციატივების წამოწყება საერთო მიზნებთან თანხვედრაში.
ღონისძიებებზე დასწრება
ღონისძიებებზე დასწრება
კონფერენციის ფარგლებში დაგეგმილი შეხვედრები — პანელები, დისკუსიები და სამუშაო სესიები — ღიაა საზოგადოების ფართო სპექტრისთვის. მონაწილეებს მიეცემათ შესაძლებლობა, მოისმინონ თემატური ანალიზი, გამოხატონ მოსაზრებები და ჩაერთონ საერთო სტრატეგიის შემუშავებაში.
Page updated
Google Sites
Report abuse